Тайсойған жер асты су кен орны

Тайсойған жер асты су кен орны - Атырау облысы Қызылқоға ауданында Ойыл өзенінің сол аңғарын бойлай орналасқан су алабы.

Сипаты

Ұзындығы 80 км-ге, ені 60 м-ге жетеді. Жалпы ауданы 2400 км² . Оның 2200 км² жерінде 1-3 м тереңдікте, қалыңдығы 3-8 м грунт суы қалыптасқан. Сулы қабат ұсақ түйіршікті құмнан тұрады, сіңу коэффициенті орташа 0,27 м³/тәулік. Алапта барлау жұмыстары нәтижесінде төрт тұщы сулы алаң бар екені анықталған. Суының тәуліктік табиғи ресурсы 147 мың м³ тәуліктік қолданылатын қоры 33 мың м³. Тайсойған жер асты су кен орны аудан орталығын, Мақат пен Доссор мұнай кен орындарын және басқа да елді мекендерді ауыз сумен қамтамасыз етеді.