Талды Бейіт Ақтоғай ауданы жерінде,Тоқырауынға кұятын Жіңішке өзені қабағына таяу жерде орналасқан. Сыртын айналдыра шикі биік қоршау жасаған бұл қорымды жергілікті халық Талды Бейіт деп атайды. Себебі бейіт ішіндегі жайқалып тұрған жалғыз тал өзінің ерекшелігімен ел көңілін аулайды. Ол өңірде мұндай ағаш бұрын-сонды болмаған. Жергілікті халық аузында ол ерекше ағаш тұкымын кезінде әкесі Нұрмұхамедтің кабірінің басына Әлихан Нұрмұхамедұлы Бөкейхановтың отырғызғаны айтылады. 80-нің сеңгірінен асқан немере інісі Райымжан ақсақал бұл сөзді растаған. Санкт - Петербург орман шаруашылығы институтының экономика факультетін бітірген Әлихан 1905 жылында Санкт-Петербургтен бразилия ағашының бірнеше жас шыбығын арнайы әкеліп, әкесінің бейітіне отырғызады. Сол жас шыбықтардың біреуі ғана зәулім ағашқа айналған. Қалғанын ашаршылық жылдарында Қарқаралыдан Балқашқа қарай шұбырған халық отынға пайдаланса керек. Әлиханның туған інісі Сымахан да осы бейітке жерленген. Ол кісі сексенінші жылдары қайтыс болған. Ұзақ жылдар Балқаш к қаласында тұрған.Көзі тірісінде Сымахан ақсақал Талды Бейітнің қабырғасына тағы бір құлпытас орнатқан. Құлпытас мұнда жерленбесе де Әлихан Нұрмұхамедұлы Бөкейхановқа арналып, арыстың аты-жөні және қысқаша ғұмырбаяны жазылған.[1]

Дереккөздер өңдеу

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5