Тамды 2 Обасы
Тамды 2 Обасы – топырақ пен тасты үйінділерден тұратын 39 оба.
Географиялық орны
өңдеуЖамбыл облысы Талас ауданы Тамды ауылының оңтүстігіне қарай 1,5 км жерде, Тамды өзені бойында орналасқан.
Зерттелуі
өңдеу1941 жылы Жамбыл археологиялық пункті (жетекшісі Г.И. Пацевич), 1947 жылы Оңтүстік Қазақстан археологиялық экспедициясы (жетекшісі Л.Я. Маловицкая), 1949-50 жылдары Оңтүстік Қазақстан археологиялық экспедициясы (жетекшісі А.Н. Бернштам), 1962 жылы Оңтүстік Қазақстан археологиялық экспедициясы (жетекшісі К. Ақышев) зерттеген.
Сипаты
өңдеуСолтүстік-батыстан оңтүстік-шығысқа қарай тізбектеле жатқан бұл оба үйінділерінің диаметрі 18–30 м, биіктігі 0,3–3 м. Үйінді шеттерінде немесе үстінде дөңгелек тас қоршаулар салынған. Қабір шұңқырының оңтүстік бөлігіне, төсенішке жатқызылған адам мәйіттерінің бастары солтүстік-батыстан оңтүстік-шығысқа қаратылған. Мүрдені заттармен бірге жерлеген соң қабір үстін ағаш жабындылармен жауып, үйіндісін тұрғызған.
Алынған бұйымдарға қарағанда мұнда б.з.б 3-1 ғасырларда өмір сүрген қаңлы, үйсін тайпаларының өкілі жерленген.[1]
Дереккөздер
өңдеу- ↑ Қ18 Қазақстан ғылымы: Энциклопедия./ Бас.ред. Б.Ө. Жақып. – Алматы: "Қазақ энциклопедиясы" ЖШС, 2010. Т.2.– 544 бет. ISBN 9965-893-30-1