Тасбас

Тасбас – Қарақия ауданындағы Жетібай кентінің солтүстік-шығысындағы мұнай кен орны және сай. Оңтүстіктен солтүстікке созылып жатқан қысқа сай аяғында суы кермек құдық болған. 1932 ж. ленинградтық геолог Ю.Колодяжный осында алғаш геологиялық түсірім жұмыстарын жасады. 1953 – 1956 жылдары мұнай барлау партиясы болып, бірнеше барлау ұңғымаларын қазды. Нәтижесінде Тасбас мұнайы қою, құрамында шайыры көп, игерілуі тиімсіз деп табылды. 1980 жылдары Тасбас битумы жол құрылысы үшін пайдаланылды. Кен жердің беткі қабатынан ашық әдіспен өндіріледі.