Телібаев Ғазиз Тұрысбекұлы

Телібаев Ғазиз Тұрысбекұлы (13.08.1957 жылы туған, Алматы облысы Балқаш ауданы Бақанас ауылы) – ғалым, философ, философиялық ғылым докторы (2000), ҚР-ның Мәдениет қайраткері (2003).Үшінші курстан кейін, 1978 жылы, білім жалғастыру үшін МГУ-дін философия факультетіне ауыстырылып, ол жерде шетел философиясының тарихы кафедрасында білім алған. 1980 жылы Мәскеу мемлекеттік университетінің философия факультетін, 1987 жылы аспирантурасын бітірген. Еңбек жолын Рудный индустриалдық институтында бастап, оқытушы, декан, проректор қызметтерін атқарған. 1993 – 1997 жылы Президент әкімшаруашылығынде кеңесші, сектор меңгерушісі; 1997 – 2003 жылы Мәдениет, ақпарат және қоғамдық келісім мин-нде бөлім бастығы, департамент директоры; 2003 – 2004 жылы “ҚазМұнайГаз” Ұлттық компанияда департамент директоры болды. 2004 жылдан Қазақстан – Британ техникалық университетінде кафедра меңгерушісі. 1996 – 1997 жылы “Хабар” арнасында халыққа танымал “Әлем – саясат” ақпаратты-талдау бағдарламасын жүргізді. Қоғамдық-саяси өмірге белсенді араласып, Қазақстан либералдық қозғалысы құрылтайшыларының бірі болды. Телібаевтың еңбектері философия тарихы, саясаттану және әлеуметтану салаларын қамтиды. Еңбектері қазақ, орыс, ағылшын, түрік тілдерінде жарық көрген. [1][2]

Сілтемелер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
  2. Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7