Телқожа

Телқожа – қаңлы тайпасының құрамындағы руезі. Шежірелер мен ғылыми еңбектерде қаңлы тайпасы негізінен cары қаңлылар, қара қаңлылар және қызыл қаңлылар болып бөлінеді. Академик Ә.Хайдаридың дәлелдеуі бойынша бұлайша бөліну халықтың орналасу жағдайына байланысты (орталығы, оңтүстік, батыс, т.б.). Қазіргі кезде алғашқы үш топтың өкілдері Қазақстанның оңтүстік аймақтарында, біраз бөлігі Өзбекстанда тұрады. Шежіре бойынша Келдібектің үлкен әйелі Сары бәйбішеден сары қаңлылар, екінші әйелі Ханқызынан қара қаңлылар тарайды. Сыр бойындағы сары қаңлылар ақбота, ақынқожа (ақылқожа), телқожа, омыртқа, миам деп бөлінсе, Жетісудағылар әлсейіт, ақбарақ, құйысқансыз, бозым, ешкілі, шанышқылы болып бөлінеді. Телқожалар негізінен Сыр бойын жайлаған, көпшілігі көрші мемлекеттердің қарамағында қалып қойған. Қазақстан аумағындағы топтасып тұратын ауылдар Солтүстік Қазақстан облысының Ақжар ауданы мен Ақмола облысының Біржан сал ауданындағы ауылдар.