Тимофей Семенович Позолотин

Тимофей Семенович Позолотин (5.2.1908, Солтүстік Қазақстан облысы,Есіл ауданы,Явленка селосы - 9.9.1943, Украина, Харьков облысы) - 2-дүниежүзілік соғысқа катысушы, гвардия подполковнигі, 17-гвардиялық танк полкінің командирі,орыс.Мектепті тәмамдағаннан кейін, ауыл клубында киномеханик болып еңбек етті. Ұлы Отан соғысы карсаңында 29-мотоатқыштар дивизиясындағы 47-танк полкінде кызмет атқарды. Батыс Беларусьта болған соғыстарда екі рет жараланды. Кейіннен Мәскеу түбіндегі шайқастарда жау әскерін талқандап, ерлік көрсетті. 1942 жылдың желтоқсанында Позолотиннің полкі Дон өзені бойында румын және 62-неміс жаяу әскер дивизияларының тылына шықты. Кеңес әскерінің танкішілері жаудың екі құрамасын талқандап, 10 мыңдай әскері мен офицерін жойды, біразын тұтқынға алды. 1943 жылы 21 тамызда жараланғанына қарамастан, шайқасты жалтастырды. Бірнеше күннен соң ол жауынгерлік міндетін аткару үстінде қаза тапты. Жасаған ерліктері үшін Позолотинге КСРО Жоғарғы Кеңесі Төралқасының Жарлығымен Кеңес Одағының Батыры атағы, Ленин ордені мен «Алтын Жұлдыз» медалі берілді (26.12.1942). Сондай-ақ ол Қызыл Ту, l-дәрежелі Отан соғысы ордендерімен және медальдармен марапатталған.[1]

Дереккөздер өңдеу

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х