Торғауыттар

Торғауыттар, торғұттар – бұрын ойраттар құрамында болған этнографиялық топ. Тәуекел хан кезінде Қазақ хандығына бағынған. 1627 ж. батыстағы Еділ бойына қоныс аударған. Қазіргі Торғауыттар Моңғол Халық Республикасында (Кобдо аймағы), Қытай Халық Республикасында (Шыңжаң өлкесінде және Ішкі Моңғолияда) тұрады. Алтай тіл тобындағы моңғол тіл тармағына жататын ойрат тілінде сөйлейді. Негізгі кәсібі – мал өсіру. Материалдық және рухани мәдениеті жағынан батыс моңғолдарға жақын. 17 ғасырда торғұттардың бір бөлігі Ресей шекарасына өтіп, бірте-бірте қалмақтардың құрамына енген. Моңғолия жеріндегі торғұттар ондағы басқа моңғолтектес халықтармен бірігіп кеткен.

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том.