Туыс жандар
«Туыс жандар» — Гудзон өзені мектебінің өкілі Ашер Браун Дюран салған сурет.
| |
| Ашер Браун Дюран | |
| Туыс жандар, 1849 | |
| Kindred Spirits | |
| кенепте, майлы бояу. 116.8×91.4 см | |
| Crystal Bridges Museum of American Art, Арканзас |
Суретте кескіндемеші Томас Коул және оның ақын досы Уильям Каллен Брайант Катскилл таулары бөктерінде сырласып серуендегені бейнеленген.
Тарихы өңдеу
1848 жылдың басында Американың танымал суретшісі, Гудзон өзені мектебінің қалаушысы Томас Коул қайтыс болады. Оның пікірлес досына, атақты ақын Брайантқа сыйлық ретінде меценат Джонатан Стерджес осы суретті салғызуға тапсырыс береді.
Коул мен Брайант екеуін жақсы білген Дюран оларды Катскилл тауларындағы Каатерскил сарқырамасының қасына орналастырып салады. Екеуінің шығармашылығында да бұл таулар мен сарқырама ерекше орын алатын. Суретті ризашылықпен қабылдаған Брайант Дюранның шеберлігін мақтап, оны жоғары бағалады.
Суреттің атауы Джон Китс жазған сонеттің жолдарынан алынды.
1904 жылы Брайанттың қызы Джулия бұл суретті Нью-Йорктың қоғамдық кітапханасына тарту етеді.
2005 жылы сурет аукционда 35 миллион долларға сатылады, сол кездегі америкалық суретшілердің туындылары ішінен ең қымбаттысы болды.
2005-2007 жылдары сурет Вашингтондағы Ұлттық өнер галереясында қойылып көрсетілді.
Қазір «Туыс жандар» Арканзастың Бентонвилл қаласындағы мұражайда сақтаулы тұр.
Ықпалы өңдеу
Америкалық ақын Марианна Мур бұл суретке арнап, The Camperdown Elm өлеңін шығарды.
Билл Брайсон 1998 жылы шыққан A Walk in the Woods: Rediscovering America on the Appalachian Trail кітабында осы суреттің әсерлігін сөз етеді.
Сурет Civilization V ойынында пайдаланылды.
Сілтеме өңдеу
- Ұлттық өнер галереясындағы ақпарат, 1 шілде 2005 жыл