Түйеш Омаров

Түйеш Омаров (1909, бұрынғы Тайпақ ауданы, Калмыков ауылы — 1995) — сынықшы-емші. 1929 жылдан Ақжайық ауданының Бірінші май ауылында малшы және сауда қызметкері. Ұлы Отан соғысына қатысқан.

1945-72 ж. Ақжайық ауданының «Первомай» кеңшарында әр түрлі жұмыс істеген. Бірнеше орден, медальмен марапатталған. Соғыс жылдарында жаралы жауынгерлерді өзінің табиғи емшілік қасиетімен емдеп, көптеген адамдардың өміріне араша болған. Майданнан оралған соң елде «сынықшы қарт» атанып, ешқандай дәрісіз, бойындағы биоөріс қуатымен емдеумен шұғылданған.