Тұрсын Икрамұлы Сұлтанов
Тұрсын Икрамұлы Сұлтанов (7 мамыр 1940 жылы туған, Алматы облысы Қарасай ауданы Шамалған ауылы) – ғалым, тарих ғылымдарының докторы, профессор.
Өмірбаяны
өңдеу- 1967 жылы Ленинград мемлекеттік университетінің (қазіргі Санкт-Петербург) Шығыс факультетін (Таяу Шығыс елдері тарихы кафедрасы) бітірді.
- 1970 жылы КСРО ғылым академиясының Шығыстану институты Лениград бөлімшесінің аспирантурасын бітірген.
- 1970 – 74 жылдары Қазақ КСР-і ғылым академиясының Ш.Уәлиханов атындағы тарих, археология және этнография институтында ғылыми қызметкер
- 1974 – 97 жылдары Ресей ғылым академиясының шығыстану институтында (Санкт-Петербург) жұмыс істеді.
- 1997 жылдан Санкт-Петербург мемлекеттік университеті шығыс факультетінің Орталық Азия мен Кавказ кафедрасының меңгерушісі.
Ғылыми еңбектері
өңдеуҒылыми еңбектерінің негізгі бағыты Орталық Азияның ортағасырлық тарихы мен деректану мәселелері. Орталық Азияның (Шығыс Түркістан, Қазақстан, Өзбекстан, Қырғызстан, т.б.) тарихы, мәдениет тарихы мен дерекнамасы жөніндегі 130-дан астам ғылыми еңбектің авторы, олардың 16-сы монографиялар. Бірнеше кітабы жапон, түрік және неміс тілдеріне аударылған.
Марапаттары
өңдеуСанкт-Петербург университетінің “Ең үздік ғылыми еңбектері үшін” сыйлығына ие болған (2000, 2004).[1]
Дереккөздер
өңдеу- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998, ISBN 5-89800-123-9
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |