Тәтті

Тәтті — Жамбыл облысы Меркі ауданындағы ауыл, темір жол бекеті, Тәтті ауылдық округі орталығы.

Ауыл
Тәтті
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Жамбыл
Ауданы	Меркі
Ауылдық округі	Тәтті
Тарихы мен географиясы
Координаттары	43°12′49″ с. е. 73°18′12″ ш. б.43.21361° с. е. 73.30333° ш. б. / 43.21361; 73.30333
Уақыт белдеуі	UTC+5:00
Тұрғындары
Тұрғыны	▼918 адам (2021)
Сандық идентификаторлары
Телефон коды	+7 72632
Автомобиль коды	08
Тәтті Тәтті
Тәтті шекарасы

Географиялық орны

Аудан орталығы – Меркіден солтүстік-шығысқа қарай 39 км-дей жерде, Қызтоғансай өзенінің Қорағатыға құйылар сағасында боз жусан, эфемерлі сұр жусан аралас баялыш, күйреуік, ажырық, ши т.б. шөптесін өскен шалғынды сұр топырақты аллювийлі-пролювийлі қуаң далада орналасқан.

Халқы

Саны (2009, 2021)

2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
1430	▼918	64,2	719	▼492	68,4	711	▼426	59,9

Тарихы

Ауыл 1962-1997 жылдары өзімен аттас қой өсіретін кеңшардың орталығы болып келді. Оның негізінде Тәттіде 1997 жылдан өндірістік кооператив ұйымдастырылды.

Инфрақұрылымы

Орта, бастауыш мектептер, мәдениет үйі, отбасылық-дәрігерлік амбулатория, байланыс бөлемшесі, т.б. мекемелер бар. Тәтті арқылы Түрксіб темір жолы және Тараз – Алматы автомагистралі өтеді.

Ауыл Луговой-Шу темір жолы және Меркі-Шу тас жолы бойында орналасқан. Ауыл арқылы Орта құм және Сарғобы мал жайылымына өтетін тас жол бар. Ауылды тоғыз жолдың торабына орналасқан деуге болады.

Ауыл атауы

1930 жылдары осы "Тәтті" колхозы орналасқан тұстан Луговой-Шу темір жолы салынып, пайдалануға берілді. Осы темір жолды салған жылдары скважина арқылы ауыз су шығарылған. Бұрын қолмен қазылған құдықтардағы суды пайдаланып келген жергілікті халық скважина суын тәтті екен деп атап кеткен. Осы сөзден "Тәтті" ауылының атауы пайда болған.