Төлдеу

Төлдеу - қалыпты жағдайда өткен буаздығының соңыңда қойдың қозы тууы. Төлдеу жылына бір рет, күйек алу мерзіміне байланысты қыстың екінші жартысында (каңтар-акпанда) немесе көктемде (наурыз—сәуірде) өтеді. Қыста немесе ерте көктемде қойды төлдеу қорасында көктемнің жылы күндері ашық қорада төлдетеді. Күйлі саулық әдетте, 30-40 минуттың ішінде адамның көмегінсіз-ақ төлдейді. Алдымен суға толған қағанақ көрінеді. Қағанақты жаруға болмайды, кейінірек төл туғаннан кейін жарып, оның кіндігін кесіп, ұшын йодтап, байлайды. Жаңа туған қозыны енесіне жалатып, уызымен ауыздандырады.