Төлеген Мұхамеджанұлы Мұхамеджанов

(Төлеген Мұхамеджанов бетінен бағытталды)

Төлеген Мұхамеджанұлы Мұхамеджанов (27 шілде 1948, Семей обл. Беген а.) — композитор.

Төлеген Мұхамеджанұлы Мұхамеджанов
Жалпы мағлұмат
Туған күні

27 шілде 1948 (1948-07-27) (75 жас)

Туған жері

Беген, Бесқарағай ауданы, Семей облысы, Қазақ КСР

Азаматтығы

 Қазақстан
 КСРО (1948-1991)

Мамандығы

композитор, оқытушы

Белсенді жылдары

1957-1982

Өмірбаяны өңдеу

1948 жылы 27 шілдеде Семей облысының Бесқарағай ауданындағы Беген ауылында туған.

Семей педагогикалық институтының тарих факультетін (1969) тарих пәнінің мұғалімі мамандығы бойынша; Құрманғазы атындағы Алматы мемлекеттік консерваториясын (1980) сазгер мамандығы бойынша; П.И. Чайковский атындағы Мәскеу мемлекеттік консерваториясының аспирантурасын (1982) бітірген.

1969-1973 жылдары - М. Әуезов атындағы Семей педагогикалық училищесінде оқытушы.

1983 жылдан - Құрманғазы атындағы Алматы мемлекеттік консерваториясында оқытушы, аға оқытушы.

1987-1988 жылдары - Абай атындағы Мемлекеттік академиялық опера және балет театрының директоры.

1990 жылдан - «Азия дауысы» халықаралық конкурсының бас директоры.

1992 жылдан - «Мәдениет арқылы әлем» халықаралық ассоциациясының қазақ бөлімінде президент.

1995 жылдан - «Рухани келісім конгресі» халықаралық қорының президенті.

1998 жылдан - Астана қаласы әкімінің орынбасары.

2004 жылдың қазан айынан - ҚР Парламенті Мәжілісі 3-ші шақырылымының депутаты, Астана қаласы №2 сайлау округі бойынша ұсынылған.

2007 жылдан бері - ҚР Парламенті Сенатының депутаты, Әлеуметтік-мәдени даму комитетінің мүшесі.

Шығармашылығы өңдеу

2 симфонияның, 2 операның, 2 поэзиялық жинақтың, музыкалық комедияның, камералық шығармалардың, кинофильмдер, қойылымдар музыкаларының, романстардың, әндердің авторы.

Жеке өмірі өңдеу

Әкесі - Нұрсейітов Мұхамеджан. Анасы - Зәбиева Сапура.

Үйленген. Жұбайы - Үсенбаева Нұржамал Пернебекқызы (1958 жылы туған). Қыздары - Мұхамеджанова Жанна (1972 жылы туған), Мұхамеджанова Құралай (1981 жылы туған), Мұхамеджанова Қарлығаш (1992 жылы туған); ұлы - Мұхамеджанов Дәурен (1983 жылы туған).[1]

Марапаттары мен атақтары өңдеу

Музыкалық өнертану академиясында профессор (2000 жылдан).

«Мәдениет арқылы әлем» халықаралық ассоциациясының қазақ бөлімінде президент (1992 жылдан), «Рухани келісім конгресі» халықаралық қорының президенті (1995 жылдан).

Республикалық «шинкиокушинкай» каратэ федерациясының президенті (2005 жылдан), Республикалық пиротехниктер федерациясының президенті (2007 жылдан).

«Парасат» (1997) орденімен, Жоғары Кеңес Президиумы Кеңесінің Құрмет грамотасымен (1982) марапатталған.

ҚР Мемлекеттік сыйлығының (1993) лауреаты.

Дереккөздер өңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2