Фельдшерлік-акушерлік пункт

Фельдшерлік-акушерлік пункт — бұл ауылдық жерлерде алғашқы медициналық көмек көрсететін медициналық мекеменің құрылымдық бөлімшесі.

Ауылдық жерлерде дәрігерге дейінгі медициналық көмекке деген қажеттілік халықтың тығыздығының төмендігімен анықталады (жинақы қала тұрғындарынан айырмашылығы). Ауруханадан алыс елді мекендерде орналасқан, тұрғындарға медициналық көмекті қол жетімді етеді.

Фельдшерлік-акушерлік пунктті меңгеруші басқарады. Фельдшерлік-акушерлік пунктке:

  • халыққа дәрігерге дейінгі медициналық көмек көрсету;
  • дәрігердің тағайындауларын дер кезінде және толық көлемде орындау;
  • балалар мен жүкті әйелдерді патронаждауды, бекітіліп берілген ауыл халқының, Отан соғысы мүгедектерінің денсаулық жағдайын жүйелі бақылау;
  • дәрігердің басшылығымен аурушаңдықты, алдымен жұқпалы және паразиттік аурулардың, ауылшаруашылығы және тұрмыстық жарақаттанушылықты төмендетуге бағытталған алдын алу, эпидемияға қарсы және санитарлық-гигиеналық іс-шаралар кешенін өткізу;
  • алдын алу іс-шараларын, оның ішінде халықты иммундау жүктеледі.
  • Эпидемиялық көрсеткіштері бойынша жұқпалы аурумен ауыратындарды, олармен байланыста болған адамдарды және жұқпалы ауруға күдіктілерді айқындау мақсатында түтін басы аралап шығуды жүргізу.
  • Мемлекеттік санитарлық-эпидемиологиялық қызмет органдарын белгіленген тәртіппен жұқпалы аурулар, паразиттік және кәсіби аурулар, халықтың улануы және санитарлық-гигиеналық талаптарды бұзушылықты анықтау туралы хабардар ету.[1]

ДереккөздерӨңдеу

  1. http://adilet.zan.kz/kaz/docs/V030002524_ Ауылдық медицина ұйымдарының: емхананың, фельдшерлік-акушерлік пункттің, фельдшерлік пункттің, ауылдық немесе отбасылық дәрігерлік амбулаторияның қызметі туралы ереже