Ферримагнетик

Ферримагнетик — Иондарының магниттік моменттерінің реттелуі Кюри нүктесінен төмен температурада қалыптасқан заттар. Олардың көпшілігі иондық кристалдар. Ең көп зерттелген Ферримагнетик тобын ферриттер құрайды. Басқа ферримагниттік кристалдардан гексогональды қос фториттер тобын атауға болады. Олардың алты магниттік торшаларының төртеуінің магниттелуі бір бағытта, қалған екеуінің магниттелуі оларға қарсы бағытталған. Қос фторидтер мөлдір, жарықты жақсы өткізеді. Ферримагнетикке бірқатар құймалар мен металл аралық қосылыстар жатады. Ферримагнетиктен тұрақты магниттер жасалады. Ферримагнетиктер радиотехникада, электроникада, есептеу машиналарында т.б. кеңінен қолданылады.