Фонтомдық тізбек

Фонтомдық тізбек. Байланыс тізбектерін кеңірек пайдалану үшін бір тізбекпен бір мезгілде бірнеше сигналды бірден беру әдістері колданылады. Олардың ең қарапайым түрінің бірі — фонтомдық тізбек жасау. Фонтомдык тізбек былай жасалады. Байланыс тізбектерінің басталатын және аяқталатын жеріне трансформатор қосып, сол трансформатордың қақ ортасындағы нүктесіне сигнал берсе, сигнал тогы тізбектің екі сымына бірдей бөлініп, бір-біріне қарама-қарсы бағытпен ағады. Сол екі токтың шамасы бірдей, бағыты қарама-қарсы болғандықтан, ол осы тізбекпен өтетін негізгі сигнал тогына ешқандай әсер етпейді. Сөйтіп, осы тізбектің екі сымын бір қосымша сым ретінде пайдаланып, сондай-ақ екінші бір тіз¬бектей екінші қосымша сым жасап, осы екі қосымша сымнан жасалған тізбекті "фонтомдық тізбек" деп атайды. Бір тізбекпен жасалған қосымша сыммен және жерді пайдаланып телеграф сигналын беруге арналған тізбекті "Пикар тізбегі" дейді.[1]

ДереккөздерӨңдеу

  1. Қазақ тілі терминдерінің салалық ғылыми түсіндірме сөздігі: Электроника, радиотехника және байланыс. — Алматы: «Мектеп» баспасы, 2007 ISBN 9965-36-448-6