Халықаралық гигиена және демография конгресі

Халықаралық гигиена және демография конгресі — тұрғын халық саласындағы мамандардың халықаралық ынтымақтастығының нысаны (1882 — 1912).

Халықаралық статистикалық конгрестердің қызметі тоқтатылғаннан кейін тұрғын халықты зерттеу саласындағы халықаралық ынтымақтастықты жалғастыру үшін шаралар қолданылды. Осы мақсатпен 1878 жылы Парижде Халықаралық демографиялық конгресс шақырылды, ол Тұрақты демографиялық комиссия сайлады. Комиссияға 2-Халықараралық демографиялық конгресс шақырылатын жер мен уақытты белгілеу тапсырылды. Ол кезекті 5-Халықаралық гигиена конгресі шеңберінде 1882 ж. Женевада жиналды. Онда демография осы конгрестерге жаңа атау — Халықаралық гигиена және демография конгресі атауын берген дербес секция ретінде дербес өкілдік алды. Оның қызметі 1-дүниежүзілік соғыс қарсаңында тоқтатылды (соңғы 15-конгресі 1912 ж. Вашингтонда болды). Соғыстан кейін олар қайтадан гигиена жөніндегі конгрестер мәртебесін алды (соңғы 20-конгресс 1933 ж. Женевада өтті), ал демография мәселелері Халықаралық тұрғын халық жөніндегі конгрестерде (1927 — 1937) қарала бастады. Конгрестерде тұрғын халық қозғалысының үдерістерін зерделеудің статистика әдістерін әзірлеп, жетілдіруге елеулі ықпал етті, халықтың өсіп-өнуі саласындағы ғылыми-зерттеулерге ынталандырды, тұрғын халық туралы статистикалық ақпарат жинау мен өңдеу үшін санақ техникасын енгізуге септігін тигізді.