Хороним

Хороним — нақты шегарасы бар кез келген аумақтың жалқы атауы: онша үлкен емес кеңістік (шалғын, орман, қалалық аудан немесе ықшамаудан), елдің немесе әкімшілік ауданның тарихы облыстары.

Географиялық хоронимдер (табиғи) - табиғи-ландшафтылық облыстардың атаулары, Сарыарқа, Балқаш маңы сияқты және әкімшілік-аумақтық бірліктер атауы (Ақтөбе облысы, Қарағанды облысы, АҚШ) болып бөлінеді.

Қалаішілік хороним - бұл қала аумағы бөлігінің жалқы атауы: аудан, квартал, саябақ және т.б. Мысалы, Таугүл, Ақсай ықшамаудандары (Алматы аумағында).

Қоршаған ортаны қорғау бойынша хоронимдер

Ақсу-Жабағылы қорығы - Ақсу өзен - "ақ су" және Жабағылы өзені - "жабағы жүн" атауынан.
Қараой зоологиялық қорықшасы - қара ойдан - "қара аласа жер".
Ақтау-Бозащы зоологиялық қорықшасы - Ақтау - "ақ тау" және Бозащы түбегінен - "ашық сұр жусанды".
"Шарын" табиғи ескерткіші - моңғол тілінде "Сары" дегенді білдіреді.
"Алтынемел" ұлттық саябағы - моңғол тілінен - "алтын бел".
"Баянауыл" ұлттық саябағы - баян руының қонысы.
"Бурабай" ұлттық саябағы - бура яғни түйе сөзінен шыққан.
Қарқаралы ұлттық саябағы - таулы шоқылы жер, әйелдердің шашақты бас киімі.
Сайрам-Өгем ұлттық саябағы - Сайрамсу өзенінен - таяз сулы, ұсақ өзен және Өгем жотасы - ежелгі атауы.
Наурызым қорығы - наурыз руы атауы бойынша.
Лепсі зоологиялық қорықшасы - қазақшадан Лепсу- "жылдам ағатын өзен".
Қарақия-Қаракөл - Қарақия сөзінен - қия - "тік беткей" және Қаракөл - "қара көл".

Табиғи хоронимдер

Сарыарқа - кең ауқымды адырла дала, алтын дала, сары жота.
Мұғалжар - күшті өзгеріске ұшыраған жарлы таулар.
Сауыр - таудың жоғары еңістеу бөлігі.
Тарбағатай - моңғол тілінен аударғанда "суырлы тау".
Жетісу Алатауы - Жетісудың шұбар таулары.
Тянь-Шань - қытай тілінен аударғанда "Аспан тау".
Хан Тәңірі - тәңірдің жердегі өкілі.
Тұран жазығы - турлар мекені.
Тұран - "түріктер елі" деп аталатын Түркістан атауымен ығыстырылды.

Елтану және саяси география негіздері біліміне арналған хоронимдер

Аргентина - argento - "күміс".
Колумбия - Колумб ашқандықтан Колумбия деп аталған.
Ирландия - ежелгі ирланд тілінен eirinn - "батыс жер", яңни "западная земля", Ирландия - Еуропаның батысында орналасқан.
Исландия - Iceland - "ледяная земля" аударғанда "мұзды жер" дегенді білдіреді, ІХ ғасырда аралға келген нормандар осылай атаған.
Норвегия - ежелгі скандивания тілінде Norprvegr сөзі "солтүстікке баратын жол" дегенді білдіреді. Бұл жолмен қазіргі Норвегияның шығыс жағалауы маңымен нормандар солтүстік теңіздерге шыққан.
Жапония - ресми атауы - "Нихон коку", "Ниппон Коку" - Шығыс Азияның аралдық мемлекеті.
Қытай - қытайша Чжунго деп аталады, "Орталық жер" немесе "Орталық мемлекет" деп аударылады.
Түркия - түркі халықтары этнонимінен шыққан атау. Сөзбе-сөз аудармасы - "Түркілер елі".