Чжэцзян университеті

Чжэцзян университеті (Zhèjiāng Dàxué) – Қытайдың мемлекеттік университеті. 1897 жылы негізі қаланған. Чжэцзян провинциясының Ханчжоу қаласында орналасқан. Қытайдың ескі және беделді университеттерінің бірі. 2005 жылы Қытай университеттері арасында Цинхуа университеті және Бейжің университетінен кейінгі үшінші орынды иеленген. Университеттің бұрынғы атауы – «Цюши академиясы». 1952 жылы болған қайта құрудан кейін, кейбір факультеттер өз алдына жеке оқу орындарына айналған. 1998 жылы Чжецзян университеті, Ханчжоу университеті, Чжэцзян ауылшаруашылық университеті және Чжэцзян медицина университеті біріктірілген соң жаңа Чжэцзянь университеті пайда болады.

Университет 24 колледжден тұрады. Бакалаврға арналған 112 мамандық, аспиранттарға арналған 317 мамандық және докторлар үшін 283 мамандық қарастырылған.

Қазіргі таңда университетте ұлттық деңгейдегі 14 мемлекеттік лаборатория, 5 мемлекеттік инженерлік зерттеу орталықтары, 6 медициналық клиника жұмыс жасайды. 40 мыңға жуық студент күндізгі бөлімде білім алуда.