Шигео Катсу - Қазақстан Республикасы Президентінің 2010 жылғы 6 желтоқсандағы Жарлығына сәйкес Шигео Катсу Назарбаев Университетінің Ректоры болып тағайындалды. Шигео Катсудың Орталық Азиядағы жұмыс тәжірибесі мол: осы уақытқа дейін ол Дүниежүзілік Банктің Еуропа және Орталық Азия өңірлері бойынша вице-президенті болып қызмет етті.

Шигео Катсу Банктегі өз қызметін «Жас Кәсіпқойлар» бағдарламасы бойынша 1979 жылдан бастады. Содан кейін «Батыс Африка жобалары» департаментінде экономист болып, алдымен «Энергетика, су ресурстары және телекоммуникация» бөлімінде, кейіннен – «Сумен жабдықтау және қалалық даму» бөлімінде жұмыс істеді. Оның осы сектордағы қызметі сумен жабдықтауға және санитарияға, сондай-ақ шалғай жерлерді көркейтуге және энергетикалық жобаларға қатысты болды.

1985 жылдан бастап 1989 жылға дейін – Дүниежүзілік банктің Бениндегі бірінші тұрақты өкілі болды. 1989 жылдан бастап 1991 жылға дейін Дүниежүзілік Банктің атынан Жапонияның Эскпорт-импорттық Банкіне экономикалық саясатқа елдік талдау жүргізу департаменті директорының орынбасары ретінде жіберілді, бұл жерде ол жайғастыру жұмыстарын бағалау рәсімдерінің енгізілуі үшін жауапты болды.

1992 жылдан бастап 1995 жылға дейін – негізінде кәсіпорындарды және қаржы секторын реформалаумен айналысатын Қытай Шығыс Азия және Тынық Мұхиты өңірлері департаментінің өнеркәсіп және энергетика бөлімінің бас маманы болып қызмет атқарды. Кейіннен Абдижандағы, Кот-д’Ивуардағы Дүниежүзілік Банктің өкілдігінде бастық және өңірлік директоры болады, онда оның басшылығымен Дүниежүзілік Банктің көмек көрсету бағдарламасы кокос секторын басқару, жекешелендіру және реформалау мәселелеріне арналды.

1999 жылдан бастап – Дүниежүзілік Банктің Еуропа және Орталық Азия өңірлерінің операциялық қызметі бойынша директоры, одан кейін Дүниежүзілік Банктің Еуропа және Орталық Азия өңірлері бойынша вице-президенті болды.

Дүниежүзілік Банктегі қызметіне дейін Біріккен Ұлттар Ұйымында Өнеркәсіптік Даму (БҰҰӨД) бойынша Гренада Жоспарлау министрлігінің даму жөніндегі кеңесшісі болып жұмыс істеді.

Ректор Катсу Токио университетінде «Халықаралық қатынастар және экономика» мамандығы бойынша бакалавр дәрежесін алды. Токио университетінде аспирантураны және Венада, Австрия, Дипломатиялық академияны бітірді. Жапон, ағылшын, француз және неміс тілдерін еркін меңгерген. Қытай және орыс тілдерінде еркін сөйлейді.

Сыртқы сілтемелерӨңдеу

[1]