Шпур

Шпур, теспе – бұрғылау кезінде тау жыныстарында тереңд. 1,5 – 5 м-ден диаметрі 75 мм-ге дейін жасалатын цилиндр тәрізді қуыс. Ол тау жыныстарын және кенді қопаруда (ішіне жарылғыш зат орналастырады), қат-қабатқа суды айдауда, анкерлік бекітпені орнатуда қолданылады.Шпур жасауда электрлік бұрғылар мен бұрғылағыш балғаларды пайдаланады. Орнатылу бағыты бойынша Шпурлар: көлденең, көлбеу және құлама, ал қолданылуына қарай: көмекші, үңгілеуіш және қопарғыш болып бөлінеді. Сондай-ақ Шпурлар кен өндіру кезінде пайда болған дөңбектастарды қайта ұсату үшін, жол құрылысында, гидротехникада, т.б. пайдаланылады.

Дереккөздер

• «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том