Ыбырайым Жәңгірұлы Бөкеев


Ыбырайым (Ибраһим) Жәңгірұлы Бөкеев, Князь Шыңғыс (1833 - 1865) - полковник, Жәңгір ханның баласы.

Ыбырайым Жәңгірұлы Бөкеев
Дүниеге келгені: 1883 жыл
Қайтыс болғаны: 1865 жыл
Ұлты: қазақ
Мансабы: Гвардия полковнигі

ӨмірбаяныӨңдеу

1852 жылы Санкт-Петербургтегі Императорлық паж корпусын тәмамдап, Орынбордағы лейб гвардиялық, гусар полкіне жіберілді. 1853 - 60 жылдары гвардия ротмистрі шенінде Орынбор генерал-губернаторының қарамағында қазақ жұртын басқару ісімен шұғылданды. 1853 жылы қаңтарда Бөкеевке князьдік мәртебе беру жөніндегі Ресей императорының жарлығы шықты. Ағасы, хан тағының мұрагері Сақыпкерей аз ғұмырында негізінен Бөкей ордасын басқару мәселелеріне көп көңіл бөлсе, қызметі мен лауазымы онымен бірдей болған Ыбырайым Бөкеев бүкіл Кіші жүздегі ел басқару ісіне араласты. Жұрт оның атына тікелей арыз - құжат жолдап, Жәңгір хан ісін жалғастырушы мирасқор ретінде үміт артты. 1863 жылы қазандағы құжатта оның лауазымы "гвардия полковнигі" деп көрсетілген.[1]

ДереккөздерӨңдеу

  1. Қазақстан тарихы. Энциклопедиялық анықтамалық. - Алматы: "Аруна LTD." ЖШС, 2006. - 768 б. ISBN 9965-26-175-X