Ырғыз сиезі

Ырғыз сиезі. 1917 жылдың желтоқсан айында өткен бұл сиездің негізгі мақсаты екінші жалпықазақ съезін және оның қаулыларын халыққа таныстыру болды. Сиез «Алаш туы» астында қазақ автономиясын құруға қаулы етті. Негізгі баяндаманы Ғ.Теміров жасады. Ол баяндамасында «Алашорданың» автономия болуына күмән келтіріп, Түркістан автономиясына қосылуды ұсынды. Оның бұл пікіріне жастар қарсы шығып, «Алашқа» қосылуды жақтады. Сиезде елдің бірлігі көбірек сөз болып, Алаш болып бірігу мәселесі басымдық алды.