Элеонора Дүйсенқызы Сүлейменова

Элеонора Дүйсенқызы Сүлейменова (5 сәуір 1945, Алматы) — тіл білімі маманы, филология ғылымының докторы (1992). Абай атындағы АлМУ-ды бітірген (1966). 1966— 1969 жылдары М. Торез атындағы Мәскеу шет тілдер институтында аспирант. 1969—1985 жылдары Әл-Фараби атындағы ҚазМҰУ-дың жалпы тіл білімі кафедрасында аға ғылыми қызметкер, доцент. 1985— 1987 жылдары М. В. Ломоносов атындағы Мәскеу мемлекеттік университетінің жалпы тіл білімі кафедрасында аға ғылыми қызметкер. 1987—1993 жылдары ҚазМҰУ-дың жалпы тіл білімі кафедрасында профессор. 1993— 1994 жылдары Мериленд штаты (АҚШ) университетінің славистика департаментінің профессоры. 1995 жылдан ҚазМҰУ-дың жалпы тіл білімі кафедрасының меңгерушісі. 1969 жылы "Тіл білімінің объектісі — тіл анықтамасының мәселелері (тарихи-аналитикалық зерттеу)" деген тақырыпта кандидат (профессор Г. В. Комианскийдің жетекшілігімен), "Интерлингвальды зерттеудегі сөздің семантикалық параметрлері туралы докторлық диссертация қорғады.