Энергия зауыты

Энергия зауыты, «Миттал-Стил Теміртау» ААҚ Көмір департаментіне қарайды (Қарағанды комитеті.). «Қарағандыкөмір» комбинатынын шахталарында пайдаланылатын жарылыстан қауіпсіздендірілген кеніш электр жабдығын жөндеу үшін 1956 жылы іске қосылған. 1957 жылы 3100 электр двигателін күрделі жөндеуден өткізді (өнімнің жалпы көлемінің 35%-і). 1996 жылы Көмір департаменгі қарамағына көшті. Көмірдепартамент шахталары мен Болат департаменті (ҚарМК) кәсіпорындарына қызмет көрсетеді. ПТЭ-3 электрмагнит тежегіші жетегін, ТДМ-50 ЗМ дәнекерлеу трансформаторын, 2 ЭДКОФ250LВ4 сериялы электр двигательдерін шығарады, трансформатор катушкаларын орау, тепловоз электродвигательдерін, электровоздар, БелАЗ-дар жөндеу жұмыстарын орындайды. Жарылыстан қауіпсіздендірілген шахта пускательдерін, күш трансформаторларын, шахта подстанцияларын, СУВ типті баскару кешені құрылғыларын жөндеуге мамандандырылған.