Басты мәзірді ашу

Юрий Алексеевич Гагарин

(Юрий Гагарин бетінен бағытталған)

Гагарин Юрий Алексеевич (9 наурыз 1934 жылы, Гжат (қазіргі Гагарин) ауданы Клушино ауылы Смоленск облысы27 наурыз 1968 жылы, Владимир облысы) – КСРО ұшқыш-ғарышкері, Кеңес Одағы батыры, ғарыш кеңістігіне сапар жасаған ең бірінші адам, полковник (1963), Кеңес Одағының Батыры (1961).

Гагарин Юрий Алексеевич
Юрий Алексеевич Гагарин.jpg
Мемлекеті

Кеңестік Социалистік Республикалар Одағы КСРО

Мансабы

ұшқыш-ғарышкер

Әскери атағы

Полковник

Экспедициялары

Восток-1(12-ші Сәуір)

Ғарышта болған уақыты

1 сағ 48 минут

Туған күні

9 наурыз 1934(1934-03-09)

Туған жері

Клушкино ауылы, Гжатский ауданы, КСРО

Қайтыс болған күні

27 наурыз 1968(1968-03-27) (34 жас)

Қайтыс болған жері

Киржач қаласы манында, Владимир облысы, РКФСР, КСРО

Сыйлықтары

Золотая Звезда Героя Советского Союза.pngКеңес Одағының Батыры

Мазмұны

ӨмірбаяныӨңдеу

  • 1961 жылы 12 сәуірде Восток ғарыш кемесімен Байқоңыр ғарыш алаңынан тарихта тұңғыш рет ғарышқа ұшты. Ол Жерді айналып ұшып, 1 сағат 48 минуттан кейін Жерге қайта қонды.
  • 1951 жылы Мәскеу маңындағы Люберцы қаласыңдағы қолөнер училищесін, 1955 ж. Саратов индустрия техникумын бітірген.
  • 1955 жылдан Кеңес Армиясы катарында.
  • 1-Чкалов әскери-авиац. ұшқыштар училищесін бітіргеннен (1957) кейін Солтүстік флоттың жойғыш авиациялық бөлімдерінде қызмет етті.
  • 1960 ж. ғарышкерлер қатарына алынды.
  • 1961 жылдан ғарышкерлер отрядының командирі болды.
  • 1961 ж. 12 сәуірде тарихта тұңғыш рет "Восток" ғарыш кемесімен Байкоңыр ғарыш алаңынан ғарышқа ұшты. Бұдан кейін ол ұшқыш-ғарышкер ретінде өзінің ұшу шеберлігін жетілдіріп, ғарышкерлерді үйретіп - жаттықтыру ісіне тікелей араласып, ғарыш кемелерінің ұшу процесін басқаруға қатынасып отырды.
  • 1968 ж. Әскери-әуе инженерлік академиясын бітірді.
  • 1964 — 68 ж. Ғарышкерлерді даярлау орталығы бастығының орынбасары болды. Ол бірнеше елдерде болып қайтты.
  • Гагарин ұшақпен жаттығу кезінде қаза тапты (Владимир обл. Киржак ауд.Новоселово селоның маңында).
  • Мәйітінің күлі Мәскеудің Қызыл алаңындағы Кремль қабырғасына қойылған.

МарапаттарыӨңдеу

  • 1966 жылдан Астронавтика халықаралық академиясының құрметті мүшесі.
  • Ленин орденімен, медальдермен және көптеген шет ел ордендерімен марапатталған.
  • Чехословакияның Социалистік Еңбек Ері

Есте қалдыруӨңдеу

  • Монинодағы (Мәскеу обл.) Әскери-әуе академиясына
  • Айдың арғы бетіндегі кратердің біріне Гагарин есімі берілген.
  • 1968 ж. Халықаралық авиациялық федерациясы Ю.А. Гагарин атындағы алтын медаль тағайындады.
  • Ресейдегі ғарышкерлерді даярлау орталығы
  • Гагарин атындағы Ресей ҒА-ның ғылыми-зерттеу кемесі
  • Дүние жүзінің көптеген оку орындары
  • қалалар, көшелер мен алаңдар Гагарин есімімен аталады.

[1]

ДереккөздерӨңдеу

  1. “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9


Ортаққорда бұған қатысты медиа файлдар бар: Category:Yuri Gagarin