Қазақстан Республикасы Қорғаныс Министрлігінің кадет корпусы

Қазақстан Республикасы Қорғаныс Министрлігінің кадет корпусы- ҚР Президентінің 1996 жылы 1 шілдесі №3049 «Қазақстан Республикасы Қорғаныс Министрлігінің Кадет корпусын кұру туралы» Жарлығына сәйкес құрылған. ҚР Үкіметінің 2000 жылы 16 ақпаны №257 қаулысымен және ҚР Қорғаныс Министрлігінің 2000 жылдың 29 қарашасы №310 Бұйрығымен ҚР Қорғаныс Министрлігінің Кадет корпусына Шоқан Уәлиханов есімі берілді (әрі қарай Кадет корпусы). ҚР Қорғаныс министрінің 20.01.2009 жылы №22 Бұйрығымен мемлекеттік мекеменің жаңа «Шоқан Уәлиханов атындағы Қазақстан Республикасы Қорғаныс Министрлігінің Кадет корпусы» Жарғысы бекітілді. ШоқанУәлиханов атындағы Қазақстан Республикасы Қорғаныс Министрлігінің Кадет корпусының негізгі міндеті ҚР Қарулы күштерінің сержанттық құрамының лауазым- дарындағы әскери қызметті келісімшарт бойынша өткеру үшін кіші командалық құрамдардағы кадрларды дайындау болып табылады. Кадет корпусы - бастапқы әскери білім беретін әскери-оқу орны, ол бастапқы әскери білім бағдарламасы бойынша ҚР Қорғаныс күштерінің сержанттық құрамының лауазымдарындағы әскери қызметті келісімшарт бойынша өткеру үшін дайындайды. Кадет корпусын бітірген түлектер «Мотоұтқыр әскерлерінің командалық тактикасы» мамандығын, «Автокөліктік және сауытты танктік техниканы жөндеу бойынша слесарь» және «ЭЕМ операторы» санатындағы мамандық алып шығады. Сонымен бірге 3-сыныпты жаяу әскер сауытты машинасының механик-жүргізушісі мен «С» санатындағы автокөлік жүргізуші куәлігін қоса алады. Жалпы орта білімнің базасы негізінде оқу мерзімі - екі жыл.