Қазақтың бірінші үлгілі атты әскер полкі

Қазақтың бірінші үлгілі атты әскер полкі - Қазақстандағы Қызыл армияның тұңғыш ұлттық бөлімдерінің бірі. 1918 ж. күзде Бөкей ордасындағы Орда қ-нда жасақталды. Полкті жасақтауға Қазақ өлкесінің Әскери комиссары және РКФСР Ұлт істері жөніндегі Халкомы қазақ бөлімінің бастығы М. Тұнғаншин, полк комиссары Б.Жәнекешов, т.б. көп еңбек сіңірді. Полктің алдыңғы қатарлы жауынгерлік топқа айналуына Оспан және Фарух Әзірбаевтар, Нүрсұлтан және Зейнолла Бекетовтер, Құсайын Есжанов, т.б. үлес қосты. Полктің құрамында 6 эскадрон, пулемет командасы және кіші командирлер даярлайтын әскери мектеп болды. 1919 ж. тамызда полк 14-Армияның қарамағына берідці. Орал майданындағы ақ гвардияшыларға қарсы ұрыстарда полк жауынгерлері асқан батылдық көрсетті. Азамат соғысының майдандарында көрсеткен ерлігі үшін БОАК-тің Құрмет Қызыл туымен марапатталды. Тұңғыш қазақ генералы Ш .Жексенбаев — осы полктің түлегі.[1]

ДереккөздерӨңдеу

  1. Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8