Қазақтың дербес атты әскер бригадасы

Қазақтың дербес атты әскер бригадасы, 1920 ж. 5 ақпанда Түркістан майданы Әскери-рев. кеңесінің бұйрыгы бойынша құрылды. Бригада Қызыл Армияның З-Түркістан атқыштар дивизиясы Жетісудағы әскерлерінің құрамында ұйымдастырылды. 1920жылдың бас кезінде Түркістан майданының қолбасшысы М.В.Фрунзе мен майданный Әскери-рев. кеңесінің мүшесі В.В.Куйбышевтің басшылығымен Қызыл Армияның Жетісудағы бөлімдеріне түбегейлі өзгерістер енгізілді. Командирдің сайлап қойылуы жойылып, жауынгерлердің жауапкершілігі күшейтілді. Жоспарлы түрде ұлт бөлімдері құрыла бастады. Қазақтың дербес атты әскер бригадасы жауынгерлері солтүстік Жетісу майданында ақ гвардияшыларға қарсы ерлікпен күрес жүргізді. [1]

Дереккөздер өңдеу

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3