Қазақ радиолары

«Қазақ радиолары» жауапкершілігі шектеулі серіктестігі — Қазақ радиосы, «Шалқар» радиосы, «Астана» радиосын және «Classic» радиосын біріктіретін компания. Бастауы 1921 жылы негізі қаланған Қазақ радиосы мен 1958 жылы құрылған республикалық бірінші телеарнадан басталды.

«Қазақ радиолары» ЖШС
Түрі	жауапкершілігі шектеулі серіктестік
Құрылды	Астана, Қазақстан (14 наурыз 2017 жыл)
Бұрынғы атауы	"Республикалық радио" ЖШС
Орналасуы	Қазақстан, Астана, Алматы
Басты адамдары	Нұртас Солтанұлы Көшеров (Бас директор)
Басшы компания	«Қазақстан» РТРК» АҚ
Статусы	Белсенді
Сайты	qazradio.fm

 Басқа мағыналар үшін Қазақстан (айрық) деген бетті қараңыз.

Тарихы

2016 жылы 14 желтоқсанда Қазақстан» РТРК» АҚ-нан өз алдына «Республикалық радио» ЖШС болып бөлек шығып, серіктестік директоры ретінде Досымбек Қонысбекұлы Өтеғалиев тағайындалды. 2017 жылы 30 қазанда «Республикалық радио» ЖШС атауы «ҚАЗАҚ РАДИОЛАРЫ» ЖШС болып өзгертілді. Өзгертуде төмендегідей негіздемелер басшылыққа алынды:

• Атау бір ғасырға жуық тарихы бар Қазақ радиосына негізделді.
• 1921 жылдан бері халықтан өзінің лайықты бағасын алған Қазақ радиосының атауы бүгінде брендке айналды.
• Серіктестік құрамындағы «Шалқар», «Астана» және «Классик» радиосы осы Қазақ радиосынан тарады.
• Атау серіктестіктің «Қазақстан» РТРК» АҚ-мен бағытының, ұстанған саясатының бір екенін көрсетеді.

Қазір Серіктестіктегі радиолар негізінен тікелей эфирде хабар таратуға көшті. Бұл – тыңдаушымен тығыз байланыста болуға соны серпін берді. «TNS CA, 6+ Казахстан» компаниясының дерегіне сүйенсек, радио тыңдаушылар былтырғымен салыстырғанда 36%-ға, жарнама берушілер 6%-ға, тыңдаушыны айлық қамту көрсеткіші 12 %-ға, радио тыңдаудың минуттық орташа уақыты 22%-ға өскен. Мемлекеттік мекемелердің (министрліктер, әкімдіктер) ресми сайтында да радиоларды онлайн тыңдауға мүмкіндіктер жасалып жатыр. «Қазақ радиолары» ЖШС биыл эфирдегі әлеуметтік, қоғамдық-саяси, рухани-мәдени, сауықтық-көңілашар бағдарламалар үлесін арттырды.

• Әлеуметтік: «Жан жылуы» Мұрағатталған 11 ақпанның 2018 жылы., «Ақ отау» Мұрағатталған 7 ақпанның 2018 жылы., «Бармысың, бауырым?» Мұрағатталған 7 ақпанның 2018 жылы., «Әлеумет» Мұрағатталған 13 ақпанның 2018 жылы.;
• Қоғамдық-саяси: «Өз сөзім» Мұрағатталған 13 ақпанның 2018 жылы., «Алаң» Мұрағатталған 13 ақпанның 2018 жылы., «Алашнама» Мұрағатталған 13 ақпанның 2018 жылы., «Бәйтерек» Мұрағатталған 13 ақпанның 2018 жылы. (қазақ және орыс тілдерінде);
• Рухани-мәдени: «Інжу-маржан» Мұрағатталған 7 ақпанның 2018 жылы., «Дәуір үні» Мұрағатталған 12 ақпанның 2018 жылы., «Терме» Мұрағатталған 12 ақпанның 2018 жылы., «Қауырсын ғалам» Мұрағатталған 13 ақпанның 2018 жылы., «Бұл – менің жүрегім» Мұрағатталған 13 ақпанның 2018 жылы.;
• Сауықтық-көңілашар: «Қайырлы таң, Қазақ елі! Мұрағатталған 7 ақпанның 2018 жылы.», «Армандастар» Мұрағатталған 12 ақпанның 2018 жылы., «Ән салайық» Мұрағатталған 13 ақпанның 2018 жылы..

Басшылар

• Досымбек Қонысбекұлы (14 желтоқсан, 2016 жыл - 23 ақпан, 2017)
• Мәди Манатбек (2017-2018)
• Нұртас Солтанұлы (2023 жылдан бастап)

Серіктестікке қарасты радиолар

«Қазақ радиолары» ЖШС өзіне қарасты радиолардың бағыт-бағдарын толық айқындады:

Қазақ радиосы – әмбебап, әр түрлі бағытта хабар тарататын - Еліміздің Бас Радиосы;

«Шалқар» радиосы – рухани-мәдени;

«Астана» радиосы – жастар тақырыбы мен Елорданың тыныс-тіршілігін хабардар ету бағытында тыңдаушыға қызмет етеді.

«Classic» радиосы – Отандық және шет ел композиторларының классикалық шығармаларын насихаттаушы.