Қайталақтау

Қайталақтау (қайталампаздық), немесе тавтология (көне грекше: ταυτολογία; ταυτο + λόγος)— сөзді я пікірді сөзбе-сөз немесе мағынасы соған жуық сөздермен қайталап айту. Сөз болып отырған зат туралы әсерді күшейту үшін стилистикалық мақсатта кең қолданылады. Мысалы: Мұнар да мұнар, мұнар күн; Бұлғыр-бұлғыр, бұлғыр тaу; Бар дегенде бар. Тілде фразеологиялық тіркестер түрінде қолданылатын қайталақтаулар да аз емес: жабулы қазан жабулы күйінде; телегей теңіз; ақ безер де көк безер болу.