Қалыңқанат

Қалыңқанат
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Қос жарнақтылар;
Сабы:	Brassicales;
Тұқымдасы:	Brassicaceae;
Тегі:	Қалыңқанат (Pachypterygium);

Қалыңқанат (лат. Pachypterygium) – орамжапырақ тұқымдасына жататын бір жылдық шөптесін өсімдіктер туысы.

Өсетін жері

Қазақстанда таудың тасты және қиыршықтасты беткейлерінде, сор топырақты, құмбалшықты жерлерінде кездесетін 3 түрі (гүлдес Қалыңқанат, қысқааяқ Қалыңқанат және сабақты Қалыңқанат) бар. Бұлардың ішінде жиі кездесетіні – сабақты Қалыңқанат (Pachypterygium multicaule).

Ботаникалық сипаты

Биіктігі 10 – 25 см, сабағы бұтақты.
Тамыр түбінен шығатын жапырақтары ұзынша, доғал, сабақ бойындағылары – қандауыр тәрізді, үшкір.
Тостағанша жапырақшалары жұмыртқа немесе қандауыр тәрізді, күлтелері ұсақ, ұзынша.
Гүлдері сары түсті, шашақ гүлшоғырына топталған.
Сәуір – маусым айларында гүлдеп, жемістенеді. Жемісі – ұзынша, эллипс тәрізді бұршаққын.^[1]

Дереккөздер

↑ Қазақстан Республикасының табиғаты 3 том, 2 бөлім

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақстан Республикасының табиғаты 3 том, 2 бөлім

[1]