Қарабақ жанжалы

Қарабақ жанжалы -1988-89 жылдары Армения мен Әзірбайжан арасында болған қақ- тығыстар. Кеңес өкіметі жылдарында Таулы Қарабақ облысы автономиялық құрылым ретінде Әзірбайжан КСР-ның құрамында болды. Бірақ ондағы халықтың басым көпшілігі армяндар еді. 1985 жылы басталған Қайта құру кезеңінен кейін облыстағы армяндар Әзірбайжан КСР-нан бөлініп, Арменияға қосылуды талап ете бастады. Сөйтіп 1988 жылы көктемде жергілікті армяндар мен әзірбайжандар арасында жанжал туды. Жергілікті армяндар сан жағынан көптігін пайдаланып, әрі Армения КСР-ның көмегімен әзер- байжандарды қыспаққа алды. Таулы Қарабақтан қашқан әзірбайжандар Бакуге барып, онда тұратын армяндардан өш алуға кірісті. 1990 жылы 19 қаңтарда Кеңес өкіметі жергілікті билік органдарының келісімінсіз Бакуге әскер кіргізді. Бұл Қарабақ жанжалын өршітіп жіберді. КСРО тарап, екі республика да тәуелсіздік алғаннан кейін армяндар мен әзірбайжандар арасындағы жанжал ашық соғысқа ұласып, ол 1994 жылы мамыр айында ғана тоқтады. Бірақ Қарабақ жанжалы толық шешімін тапқан жоқ. Таулы Қарабақ облысы әзірбайжаннан бөлініп шығып, Арменияның қол астына кіргенімен Әзірбайжан үкіметі мұны мойындамай отыр.