Қаракеңгір
Қарақеңгір, Кеңгір – Сарысу өзенінің ірі саласының бірі, Ұлытаудың Жақсы Арғанаты сілемдерінен басталып, бағытын өзгертпей, солтүстіктен оңтүстікке қарай ағып өтеді. Биік және дара шоқылар арасымен өткенде аңғарлары таралып, каньон тәрізді тар шатқалды, терең арналы келеді. Өзеннің төменгі ағысында Жезқазған қаласы орналасқан. Қала маңында Кеңгір су қоймасы салынған.
| Қаракеңгір өзені | |
|---|---|
| |
| Сипаттамасы | |
| Ұзындығы | 295 км |
| Су алабының ауданы |
18,4 мың км² |
| Су алабы | Сарысу өзені |
| Су ағысы | |
| Бастауы | Барақкөлдің шығысында 7 км жердегі бұлақ |
| • Координаттары | 49°17′20″N 67°24′38″E / 49.28889°N 67.41056°E |
| Сағасы | Сарысу өзенінің оң жағы |
| • Координаттары | 47°22′27″N 67°59′23″E / 47.37417°N 67.98972°E |
| Орналасуы | |
| Ел | Қазақстан |
| Аймақ | Ұлытау облысы Ұлытау ауданы |
Географиялық орны
өңдеуҰлытау облысы Ұлытау ауданы жерімен ағады. Ұзындығы 295 км. Су жиналатын алқабы 18,4 мың км2.
Бастауы
өңдеуҰлытау ауданындағы Барақкөлдің шығысында 7 км жердегі бұлақтан басталып Сүргіті қыстауы тұсында Сарысу өзеніне оң жағынан құяды. Негізгі салалары: Сарыкеңгір, Жыланды, Жезді.
Гидрологиясы
өңдеуАрғанатының ені 0,3-0,5 км, тік жарлы, арнасы 1-30, кейбір жерлер 70-80 м. Жауын-шашын суынан толысады. Жылдық орташа су шығыны секундына 3,51 м3. Суы өнеркәсіп мұқтажыла, халық кажетіне, мал, егін суаруға пайдаланады.[1]
Дереккөздер
өңдеу- ↑ Ақмола облысы. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5