Қарасай (Балқаш алабындағы өзен)
Басқа мағыналар үшін Қарасай деген бетті қараңыз.
| Қарасай | |
|---|---|
| Сипаттамасы | |
| Ұзындығы | 80 км |
| Су алабының ауданы |
960 км² |
| Су алабы | Балқаш көлі |
| Су ағысы | |
| Бастауы | Майжарылған тауларының солтүстік етегіндегі бұлақтар |
| Сағасы | Балқаш көлінің оңтүстік-батысы |
| • Орналасқан жері | Айрық шығанағы маңындағы батпақ |
| Орналасуы | |
| Ел | Қазақстан |
| Аймақ | Жамбыл облысы Мойынқұм ауданы . |
Қарасай – Балқаш көлінің оңтүстік-батыс алабына қарасты өзен.
Географиялық орныӨңдеу
Жамбыл облысы Мойынқұм ауданы жерімен ағады. Ұзындығы 80 км, су жиналатын алабы 1960 км².
БастауыӨңдеу
Бастауын Майжарылған тауларының солтүстік етегіндегі бұлақтардан алып, Балқаш көлінің оңтүстік-батысындағы Айрық шығанағы маңындағы батпаққа құяды.
ГидрологиясыӨңдеу
Орташа су ағымы 0,18 м³/с. Өзен арнасының басым бөлігі сайлы-жыралы өңірмен өтеді. Тек төменгі арнасы кеңейіп жазық жермен ағады. Қарасайдың жалпы ұзындығы 95 км болатын 29 саласы бар. Ірілері; Қияқты және Қаракөз (Қарақұс). Ағыны көктемгі қар еру кезінде ғана байқалады. Жаз айларында қарасуларға бөлініп қалады. Алабы мал жайылымына пайдаланылады. [1]
ДереккөздерӨңдеу
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5