Қарағанды көмір кенін сату туралы акт

Қарағанды көмір кенін сату туралы акт. 1856 ж. 14 наурызда Омбы қаласында Сібір қырғыздарының (қазақтарының) облысы басқармасына уәкілетті кісілер - Екатеринбург көпесі Н. Ушаковпен жергілікті бай И. Өтеповарасында қол қойылған. «Ұзындығы да, көлденеңі де он шақырымдық кесімді жер, оның асты мен үстіндегі барлық кен, металл мен минералдар» тау-кен кәсіпкер көпестер Рязанов, Зотов және Ушаковтар компаниясының иелігіне көшті, мұның қазіргі шекарасын шығыста — Майқұдық бұлағы, онтүстікте — Бұқпа ө., батыста Байжан, солтүстікте Теректі бұйраты деп аталатын шоқылар құрайды. Актіге қол қойылар алдында көп жылдар бойы аталған жердің табиғат байлығын бағалау жұмысы жүргізілді. 19 ғ-дың 40-жылдарынан бастап көпес Н. Ушаков Орта Азия мен Қазақстанға жасаған сауда сапарлары кезінде Қарағанды бойы, Ақ бұйрат өңірі мен Нілді шоқысындағы аса бай тас көмір жөне мыс кен орындары жайлы дерекмәлімет жинады. 1847 жылдың 16 шілдесінде ол Соқыр ө. бойындағы Саран көмір кенін игеру жөнінде Ақмола округтік приказына мәлімхат түсірді. 1847 жылдың 1 сәуірінде ауданы 10 шаршы км Саран учаскесін 114 сом 30 тиынға жалға алды. 1854 ж. қыркүйекте Қарағандыбасы мекені кен орнына жасалған 1-барлау нәтижесінде бұл жер пайдалануға жарамды деп табылды. 1856 ж. мұнда Иванов разрезі деп аталған 1-кен қазылатын орын іске қосылды.[1]

Дереккөздер өңдеу

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5