Қарағанды облысы, көлік-қатынас жолдары

Көлік-қатынасы жолдары. Карағанды облысында жалпы қолданатын автомобиль жолдары 8858,3 км кұрайды, оның ішінде республикалық мақсаттағы — 2837 км, облыстық және аудандық мақсаттағы-6021,3 км. Республикалық мақсаттағы жолдың ішінде асфальтбетонмен жабылғаны 996 км, қара қиыршық таспен жабылғаны 1498 км, ақ қиыршық таспен жабылғаны 341 км. Автокөлік жолдарында 114 өткел (5996,38 кума метр), 1630 дана су құбыры трубасы бар (30076,74 кума метр). Облыстық және аудандық жолдың жалпы ұзындығы 6021,3 км (оның ішіндегі 3356 км облыстық мақсатта, 2665,3 км аудандық мақсатта), оның ішінде асфальтбетонмен жабылғаны 512 км, қара қиыршық таспен жабылғаны 2273 км, ақ қиыршық таспен жабылғаны 3120,3 км және қара жол 116 км. Автокөлік жолдарында 124 өткел (6838,5 кума метр), 3462 дана су құбыры бар (52214,6 кума метр). Қарағанды қаласы көшелерінің жалпы ұзындығы 530 км-ді кұрайды.

Облыстық және аудандық автокөлік жолдарын жөндеуге бөлінген қаржы денгейі: 2003 ж. 800 млн теңге, 2004 ж. 895 млн теңге, 2005 жылы 889,7 млн теңгеге жетті.

Жолаушылар көлігі. №3 Қарағанды автобус паркі Қарағанды автожөндеу зауыты негізінде 1966 ж. 27 қаңтарында құрылды. 1971 жылдың ақпанында № 4 автопаркті тартуға байланысты № 3 автопарктің жылжымалы құрамы қосымша автобустармен толықты және қызмет көрсететін маршруттар саны 30-ға жетті. Маршруттар Қарағанды қаласының негізгі кәсіпорындары мен тұрғын бөліктерін байланыстырады. Шахтерлерді тасымалдау бойынша маршруттар ұйымдастырылды. Қазіргі кезде АҚ №3 автобус паркі Қарағанды қаласы мен облысының ірі тасымалдаушыларының бірі болып табылады. Қуатты өндіріс базасы салынды, жылжымалы құрамның саны артты, жаңғыртылды, маршруттік желі өзгерді, жолаушыларға қызмет көрсету мәдениеті жоғарылады. Қазір №3 автопарк құрамында 1700 адам жұмыс істейтін ұжым күн сайын жолға «Мерседес», «Ман», «Сетра» таңбалы 600 комфортабельді автобустар шығарады. Әр күні 200 мыңнан астам жолаушылар тасымалданады.[1]

Дереккөздер өңдеу

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5