Қармақшы Ата (шамамен 1630 – 1710 жылдары өмір сүрген) – әулие. Ел аузындағы аңыз әңгімелерде Қармақшы атаның (шын есімі Жүсіп, кейде Дәулен деп те аталады) Сыр бойының жағасынан жеркепе қазып, қармақ құрып, балық аулаған, сол табанақы маңдай терімен тапқан азығымен (балығымен) бүкіл ауыл-аймақты асырап, еліне қорғаныш болған, аш-жалаңаш¬тар¬ға, жүргінші мүсәпірлерге қол ұшын берген қайырымды адам болғаны айтылады. Әулие атаның мейірім-шапағатына бөленген елді мекен – қазіргі Қармақшы ауданы кейін осы кісінің лақап есімімен аталып кеткен. Әулие қабірінің басына кезінде мазар салынып, белгі тұрғызылған. Қармақшы атаға арнап М.Сейітасқаров пен Қ.Шыңғысов дастан, Қ.Көпішев баллада жазған.

Дереккөздер өңдеу

Қазақ энциклопедиясы