Қарсақ мұнай кен орны

Қарсақ мұнай кен орны — Атырау облысы Мақат ауданы, Мақат кентінен оңтүстікке қарай 70 км, Каспий теңізінің солтүстік жағалауынан 18 км жерде орналасқан. Кен орны бұрғылау жұмыстары нәтижесінде 1948 жылы ашылған, 1960 жылдан пайдаланылуда.

Қарсақ мұнай кен орны
47°00′15″ с. е. 53°13′18″ ш. б.47.0041387° с. е. 53.22155° ш. б. / 47.0041387; 53.22155
Ел	Қазақстан
Аймақ	Атырау облысы
Ашылған уақыты	1948 жыл
Қарсақ мұнай кен орны
Қарсақ мұнай кен орны

Геологиясы мен сипаты

Кен орны үш қанатты тұз күмбезі құрылымнан орын алған. Бұл құрылымның ендік бағытта созылған тұз ядросының екі төбешегі бар, олар 700-800 м тереңдікте жатыр.

Қарсақ мұнай кені аумағында төменгі пермь кезеңінен жоғары апт, неокомге дейінгі шөгінділер (жалпы қалыңдығы 1800 м) тараған. 1952-1960 жылдары жүргізілген терең бұрғылаудан кейін жоғарғы және төменгі бор қабаттарында өндірістік маңызы бар мұнай горизонттары анықталды. Мұнайы мол шоғырланған батыс қанат 9 мұнайлы горизонтқа бөлінген.Шөгінді жыныстардан құралған мұнайлы қабаттардың жалпы қалыңдығы 4 – 32 м. Коллекторларының ашық кеуектілігі 25-30%, өткізгіштігі 1,03-2,34 мкм². Бастапқы қабаттық қысым 1,8 – 7,2 МПа, температурасы 25 – 35^°С. Мұнайдың тығыздығы 0,826 – 0,933 г/см³.

Құрамы

Мұнай құрамында:

• күкірт - 0,1-0,6%
• шайыр - 9-52%

  

  Қарсақ мұнай кен орны

• парафин - 0,17-2,19%

Ілеспе газдың құрамы:

• метан - 70,4%;
• этан - 4,2%;
• пропан - 9,3%;
• изобутан - 14.4%;
• азот - 1,1%;
• оттегі - 0,3%.

Хлоркальций типті қабат суларының тығыздығы 1,091-1,670 г/см³, минералдары 135,2-253,6 г/л.