Қаршыға Ахмедиярұлы

Қаршыға Ахмедиярұлы(Қаршымбай, 25.3.1946 жылы туған, Атырау облысы Махамбет ауданы Таңдай ауылы) -күйші-домбырашы, Қазақстанның халық артисі (1991). Алматы консерваториясын (К.Мұхитов класы бойынша) бітірген (1972).

• 1967 -91 ж. Қазақ академиясы халық аспаптар оркестрінде домбырашы, кейіннен концертмейстер, жеке домбырашы және дирижер-қызметтерін атқарды.
• 1986 -1988 ж. Мәскеу қаласында Жоғарғы дирижерлік курста оқыған. Ахмедиярұлының репертуарында отандық, шет ел композиторларының шығармалары бар.
• 1974 жылдан Алматы консерваториясында педагогикалық қызметтен (1991 ж. кафедра меңгерушісі,1994 ж. профессор) шұғылданып, ғылыми-зерттеу жұмыстарымен айналысты.

Сурет:Қ.Ахмедияров.jpg

Қ.Ахмедияров

Күйлері

• "Шашақты найза, шалқар күн"(Махамбет),
• "Әсемқоңыр" (Дина),
• "Сарыарқа" (Құрманғазы),
• "Жігер"(Дәулеткерей),
• "Атырау" күйлер жинағы жарық көрген. Ол
• "Нарын",
• "Қуаныш",
• "Сағыныш",
• "Аққайың",
• "Желдірме", т.б. күйлердің авторы.

Ахмедиярұлы гастрольдік сапармен Болгария, Венгрия, Югославия, Куба, Финляндия, Франция, Италия, Үндістан, Ангола, Жапония, АҚШ, т.б. елдерде болды. Қазақстан мемлекеттік сыйлығы иегері (1982). Парасат орденімен марапатталған.