Қасымқан Қаскенұлы Ахметов

Қасымқан Қаскенұлы Ахметов (1951 жылы туған), тау-кен инженері. Қазақ политехникалық институтын бітірген (1974). 1974-1986 ж. Жезқазған қалалық комсомол комитетінің бөлімі меңгерушісі, хатшысы. Акадыр аудандық, Жезқазған облыстық комсомол комитетінің 1-хатшысы, 1986 ж. Жезқазған облыстық партия комитетінің бөлім меңгерушісінің орынбасары, меңгерушісі, 2-хатшысы, 1991 ж. Мемлекеттік мүлік жөніндегі Жезқазған аймақтық комитетінің төрағасы, 1993 ж.Жезқазған облысы әкімінің орынбасары, Мемлекеттік мүлік жөніндегі аймақтық комитеттің төрағасы. 1995-97 ж. ҚР Президент аппаратының мемлекеттік инспекторы, Алматы қаласы Алатау ауданының, 1997-2003 ж. Балқаш қаласының әкімі. 2003 жыддан Балқаш кен-металлургия комбинаты басқармасы төрағасының орынбасары. 13-шақырылған КР Жоғарғы Кеңесінің депутаты.