Қостанай қаласындағы физика-математика бағытындағы Назарбаев Зияткерлік мектебі

Қостанай қаласындағы физика-математика бағытындағы Назарбаев Зияткерлік мектебі — 2014 жылы, желтоқсанның 12-ші жұлдызында Нұрсұлтан Әбішұлы Назарбаевтың қолдауымен ашылған, Зияткерлік мектептердің қатарына 17-ші болып қосылған физика-математикалық бағыттағы мектеп.

Қостанай қаласындағы физика-математика бағытындағы Назарбаев Зияткерлік мектебі (ФМБ НЗМ Қостанай)
Сурет
Негізгі ақпарат
Ұраны

Биік шыңдарды бағындыру білім ошағынан басталады!

Директоры

Гульнара Уналбековна Дусказиева (Думан Нәбілұлы Сапаков 2014-2022)

Түрі

Физика-математика бағытындағы зияткерлік мектеп

Мекенжайы

 Қазақстан, Қостанай, Нұрсұлтан Назарбаев даңғылы, 239

Телефоны

+7 (7172) 999-747

Эл. поштасы
Тілі

Қазақша, орысша, ағылшынша

Сайты

https://kst.nis.edu.kz/kk/

Құрылу тарихы өңдеу

Қазақстанның 21-ғасырдың басындағы қарқынды әлеуметтік-экономикалық дамуы техникалық, басқарушылық және көшбасшылық құзыреті жоғары деңгейдегі мамандарға аса қажеттілікті тудырды, сондықтан 2008 жылы Қазақстан Республикасының Тұңғыш Президенті – Елбасы Нұрсұлтан Назарбаевтың бастамасы бойынша Зияткерлік мектептер құру жөніндегі жоба іске қосылды.

Зияткерлік мектептер бастауыш мектеп (оның ішінде мектепке дейінгі тәрбие мен оқыту), негізгі мектеп және жоғары мектеп деңгейлері бойынша білім беру бағдарламаларының қазіргі заманғы модельдерін әзірлеуді, оларға мониторинг жүргізуді, зерттеуді, талдауды, байқаудан өткізуді, енгізуді және іске асыруды жүзеге асыратын эксперимент алаң болып табылады.

Қазақстан Республикасындағы қазіргі бар білім беру талаптары мен стандарттары білім беру саласындағы қазіргі заманғы басқару нысандарын лайықты деңгейде енгізуге, инновациялық білім беру бағдарламалары мен ғылыми жобаларды іске асыруға мүмкіндік бермеді.

Осыған байланысты инновациялық білім беру бағдарламалары мен ғылыми жобаларды іске асыру үшін қажетті білім беру саласындағы қазіргі заманғы басқару нысандарын енгізу, академиялық еркіндік пен дербестікті дамыту үшін 2011 жылғы 19 қаңтарда «Назарбаев Университеті», «Назарбаев Зияткерлік мектептері» және «Назарбаев қоры» мәртебесі туралы» Қазақстан Республикасының Заңы қабылданды.

Бұл мәртебе білім беретін оқу бағдарламаларын дербес бекітуге, қабылдау емтихандарына қойылатын талаптарды белгілеуге, үлгерімділікті ағымдағы бақылауға, аралық және қорытынды аттестациялау мен басқаларына құқықты білдіреді. Академиялық еркіндік қағидаты жаңа бағдарламаларды әзірлеу мен байқаудан өткізуді жеделдетуге, орта білім беру жүйесін жаңғыртуға мүмкіндік береді.[1]

 
Қостанай қаласындағы ФМБ НЗМ мұғалімдері

Мектеп туралы өңдеу

Мектеп іскерлігі оқушылардың зияткерлік қабілетін дамытуға, білімін қалыптастыруға көмектесетін білік пен дағдысын дамытуға, адами құндылығы жоғары, сын тұрғысынан ойлай алатын, өзінше дамуға ұмтылатын, шығармашыл, физикалық және рухани дамыған азамат тәрбиелеуге бағытталған.

Жаратылыстану-математикалық бағыттағы Зияткерлік мектептері Кембридж Университетінің эксперттерімен бірлесіп жасалған Кіріктірілген Білім беру Бағдарламасын іске асырады.

Профильді пәндердің физика мен математика болғанына қарамастан, гуманитарлық пәндер мен тілдерді оқытуға да назар бөлінген. Оқушылардың пәндерді үш тілде (қазақша, орысша, ағылшынша) оқуға мүмкіндігі бар. Осылайша, оқушылардың жан-жақты үйлесімді дами алады.

Қостанай қаласындағы ФМБ НЗМ-де 2018-2019 оқу жылында 32 сынып кешені жұмыс жасауда, оның 18-і қазақ тілінде; 14-і орыс тілінде, бұл 7 сыныптан 12 сыныпқа дейінгі 632 оқушы.

Педагогтардың Зияткерлік және кәсіби дамуын арттыру мақсатында НЗМ торабында және шет елдерде біліктілікті арттыру курстары өтіп тұрады.

Оқу – тәрбиелеу процесін 211 мұғалім мен Ұлыбритания, АҚШ, Кения, ОАР, Канада, Сербия, Филиппин, Сингапурдан келген 10 халықаралық мұғалім, сондай-ақ, қосымша білім беру педагогтері, педагог – психологтар, педагог – куратор – ұйымдастырушылар, тәрбиешілер ұйымдастырады.

Мектептегі тәрбие жұмысының негізгі мақсаты – оқушылардың адамгершілік, адами, ұлттық (абырой, сыйластық, тәртіп, құрмет) құндылықтарын арттыру, өз ісіне деген жауапкершілікке, өмірге мағыналы көзқараспен қарауға, басқалардың пікірін тыңдауға, ескеруге, өз пікірің басқалардың пікірінен салыстыруға үйрету.[2]

Күн тәртібі мен сыныптан тыс өмір өңдеу

Мектеп толық күн тәртібінде сағат 08.00-ден ден кешкі сағат 17.20-ға дейін жұмыс істейді. Мектептің оқыту үдерісі оқушылардың оқу бағдарламаларын жоғары дәрежеде игеруіне және оқушылармен тәрбие жұмыс атқаруға көзделген. Оқушылар кітапханада және физика, химия, биология, нанотехнология, робототехника саласының ауқымды зертханаларында білім алуларына мүмкіндіктері зор.

Сабақтары аяқталған соң оқушылардың түрлі бағыттардағы студияларға қатысуларына мүмкіндіктері бар. Олар: «Вокал студиясы», «Ағылшын тілінде драма театр», «Телестудия», «Журналистика», «Өзін-өзі тану» клубтары, баскетбол, волейбол секциялары, теннис, тоғызқұмалақ, шахмат үйірмелері, таңдау курстары мен факультативтер. Сонымен қатар мектеп өмірін қызықты әрі мазмұнды ететін «Туған елге тағзым», «Зияткерлік мектеп оқушысының 100 міндетті оқылатын кітаптары», «Қазақстанның 100 патриоттық әндері», «Қамқорлық», «Мейірімділік жаса» жобалары, «Менің есімде, мен мақтанамын», «Жасыл мектеп» акциялары, «2 апта ауылда» мен Ата-ананың жұмысында 10 күн атты машықтары, әртүрлі конкурстар, көрмелер, жарыстар, ғалымдармен кездесулер, халықаралық мұғалімдермен жұмыс.

Мектепте алыс аудандардан келіп білім алатын балалар 120 орындық жайлы жатақханада тұрады. Ал спорт-сауықтыру блогында тренажер залы, психологиялық кабинет бар. Ақпараттық блогта кітапхана, медиатека, оқу залы орналасқан.[3]

Өзін-өзі басқару ұйымы өңдеу

Мектеп оқушыларынан тұратын өзін-өзі басқару ұйымы мектеп әкімшілігі мен оқушылар арасында диалог орнатып, сыныптан тыс өмірде мәдени, тәрбие-ағартушылық және ойын-сауықтық іс-шараларды жүргізіп ғана қоймай, академиялық адалдық пен ішкі тәртіп ережелерінің қатаң сақталуын және мектеп қауымдастығының дамуын қамтамасыз етеді. Өзін-өзі басқару ұйымы әр жыл сайын сайланатын президентпен басқарылады және оған сайлауға қатысқан үміткерлерден бөлек, басқа еріктілер мен 1 куратор кіреді. Кейін бұл ұйымда вице-президент пен білім, тәртіп, сыртқы істер және т.б. салаларға жауап беретін министрлер тағайындалады. Сонымен қоса, өзін-өзі басқару ұйымы ғаламтор ресурстары мен әлеуметтік желілер арқылы жаңалықтармен бөлісіп, мектептегі өзекті мәселелерді тез, әрі тиімді шешеді және басқа Зияткерлік мектептермен қарым-қатынас орнатады.

Қостанай қаласындағы ФМБ НЗМ президенттері өңдеу

  • Кизатов Ескендир, 2015-2016
  • Иннокентий Ищенко, 2016-2018
  • Мендыгалиев Тамерлан, 2018-2019
  • Шунушев Адай, 2019-2020
  • Бейсенов Жангельды, 2020-2021
  • Мәриям Сәдуақас, 2021-2022
  • Меруерт Аманжолова, 2022-2023
  • Санжар Куставлетов, 2023 бастап

Миссия өңдеу

Адамгершілік құндылықтары асқақ, үздіксіз білім алуға қабілетті, жаһандық өзгерістер жайлы таным-түсінігі қалыптасқан жоғары деңгейдегі зияткер тұлғаны тəрбиелеуге бағытталған мектеп қауымдастығын құру.

Пайымдауы өңдеу

  • Біздің оқушылар білімпаз, сыни тұрғыда ойлайтын, шығармашыл, әрдайым өзін-өзі жетілдіруге ұмтылатын, мәдениетаралық ынтымақтастыққа дайын көшбасшылар.
  • Біздің қызметкерлер – дамуға үздіксіз ұмтылатын, өз мақсатына ұсынылған білім беру сапасын арттыруды қойған мамандар.
  • Біздің ата-аналар – оқу-тәрбие үрдісіне мінсіз белсенді жұмылдырылған, мектеп қоғамдастығының ажырамас бөлігі.
  • Мектеп – ынтымақтастыққа және орта білім беру жүйесіне өз тәжірибесін тарату мен инновациялық тәсілдерін оқытуға ашық қоғамдастық.

Құндылықтар өңдеу

  • Құрмет
  • Ашықтық
  • Азаматтық жауапкершілік
  • Академиялық адалдық
  • Өмір бойы оқу [4]

Тағы қараңыз өңдеу

Дереккөздер өңдеу

Сілтемелер өңдеу

  1. "NIS CLIQUE" — өзін-өзі басқару ұйымының ВКонтакте желісіндегі парақшасы
  2. "student_council_nis_kst" — өзін-өзі басқару ұйымының Instagram желісіндегі парақшасы
  3. "catchupnis" мектептің ойын-сауықтық және мәдени-ағартушылық арнасы
  4. Қостанай ФМБ НЗМ-ның "niskostanay_2014" атты Instagram парақшасы
  5. "NIS Kostanay" You Tube арнасы