Қуат Қайрайбаев

Қуат Қайрайбаев - 1961 жылы 22 тамызда Алматы облысы (бұрынғы Талдықорған), Ақсу ауданы (бұрынғы Бөрлітөбе), Егінсу елді мекенінде туған. 1979 жылы ҚазМУ қалашығында құрылыста жұмыс істеген. Бөрлітөбе аудандық «Балқаш өңірі» газетінде еңбек еткен. ҚазМУ-дің журналистика факультетін тамамдаған.

«Балқаш өңірі», «Прибалхашье» газетінде тілші, радио ұйымдастырушысы, бөлім меңгерушісі, 1988 жылдан Қапал аудандық «Қапал еңбеккері», «Капальский труженник» газетінде редактордың орынбасары, редакторы, 1997 жылдан «Ақсу өңірі» газеті редакторының орынбасары болып қызмет еткен. 2000 жылдан бері Алматы облыстық «Жетісу» газетінің білім және ғылым бөлімінің меңгерушісі қызметін атқарады.

«Жан сырым» (1996), «Ақ жауын» (2004) жыр жинағы, «Жолайрық» (2004) әңгімелер жинағы жарық көрген.[1]

Дереккөздер өңдеу

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл