Қуыс

Қуыс — окоп түбінде, орда немесе байланыс жолында орнатылатын, 1-2 адам демалуға, қару, оқ-дәрілер, азық-түлік пен су қоюға арналған ойық. Қуыс мынадай есеппен жасалады: оның үсті 0,6 м-ден кем емес қорғаныс мақсатындағы қалың топырақ қабатымен бүркелуі керек. Қуыстың өлшемі әдетте 1,0 х 1,0 х 1,0 м. Оған кіретін жол қарсыластарға қарсы бетте болуы керек. Топырақ әлсіз болған жағдайда тақтайлар, сырғауылдар мен қолдағы бар материалдармен жабылады. Ядролық жарылыс залалынан сақтау үшін қуысты ағаш қалқалармен жабады.