Қызылқұйрықтар

(Қызылқұйрық бетінен бағытталды)

Қызылқұйрықтар (лат. Phoenicurus) — торғайтәрізділер отряды, Muscicapidae тұқымдасына (орыс. Мухоловковые) жататын құс. Қазақстанда Алматы облысында, Жетісу (Жоңғар) және Іле Алатауларындағы жалпақ жапырақты, аралас және қылқан жапырақты ормандарда тіршілік ететін 5 түрі бар: кәдімгі қызылқұйрық (P. phoenicurus), қошқыл қызылқұйрық (P. ochruros), қызылжон қызылқұйрық (P. erythronotus), қызылбауыр қызылқұйрық (P. erythrogastrus) және бозбас отқұйрық (P. caeruleocephala). Дене тұрқы 14 — 18 см. Торғайдың “қызылқұйрық” аталуы құйрығының ашық қызыл сары түсті болуына байланысты шыққан. Қызылқұйрықтар ұясын ағаш, бұта қуыстарына салады. Қызылқұйрық— жыл құсы. Мамырдың аяғында қалың төселген ұясына 5 — 8 көгілдір жұмыртқа салады. Аналығы екі аптадай жұмыртқа шайқайды, шыққан балапандарды мекиені мен қоразы екі аптадай бірігіп қоректендіреді. Қызылқұйрықтар қоңыз, маса, олардың дернәсілдерімен, сондай-ақ, құмырсқа, шаншар, көбелек және олардың жұлдызқұрттарымен, қандала, өрмекшілермен қоректенеді. Жидектер мен өсімдік тұқымдарын да қорек ретінде пайдаланады. Қыркүйек, қараша айларынан бастап жылы жаққа қоныс аударады.

Қызылқұйрықтар
Phoenicurus ochruros
Ғылыми топтастыруы
Дүниесі: Жануарлар
Жамағаты: Хордалылар
Табы: Құстар
Сабы: Торғайтәрізділер
Тұқымдасы: Muscicapidae
Тегі: Phoenicurus
T. Forster, 1817

Дереккөздер өңдеу