Қызыл қоянжын

Қызыл қоянжын (лат. Climacoptera affinis) - алабота тұқымдастары қоянжын туысына жататын бір жылдық шөптесін өсімдік.

Қызыл қоянжын
Ғылыми топтастыруы
Дүниесі: Өсімдіктер Тұқымдасы: Алабота тұқымдастар Тегі: Қоянжын (Climacoptera) Түрі: Қызыл қоянжын
Екі-есімді атауы
Climacoptera affinis

Ботаникалық сипаты

• Биіктігі 5-25(40) см.
• Бұтақтары қарама-қарсы орналасқан, қалың түкті.
• Кезектесе орналасқан жапырақтары доғал, кейде таспа тәрізді.
• Гүлшоғыры - масақ.
• Гүлі қос жынысты, гүл қоршауы 5 жапырақты. Аталығы 5. Гүл жапырақшасы гүл қоршауынан қысқа. Маусым-шілде айларында гүлдеп, жеміс салады.

Өсетін жері мен таралуы

Қызыл қоянжын Орта Азияда, Батыс Қытайда кездеседі. Қазақстанда Торғай даласында, Үстірттің солтүстігінде, Арал теңізі маңында, Балқаш-Алакөл алабында, Қаратау жотасында, Мойынқұм құмды алқабында таралған. Сортаң, сазды жерде, тақырда өседі. Қызыл қоянжынды түйе сүйсініп жейді.