Қара алма

(Қырғыз алмасы бетінен бағытталған)

Қара Алма немесе Қырғыз алмасы (Malus kіrghіsorum) – алманың бір түрі. Биіктігі 8 – 10 м-дей, діңінің жуанд. 50 – 65 см, қабығы сұр түсті. Өркендері ұзын, жіңішке тікенексіз болады. Жапырақтары ірі, ұзындығы 5 – 10 см, ені 5 – 6 см, шеті иректелген, сабаққа кезектесіп орналасады. Гүлі шатыр тәрізді топталған қос жынысты, ақшыл не қызғылт түсті. Жеміс сағағы қысқа болады. Жемісі – 5 ұялы, 1 – 2 тұқымды, ұзындығы 3 – 8 см, ақшыл, сары, жасыл не қызыл түсті, жеуге жарамды. Жемісінде 10 – 12%-дай қант болады. Бір ағаштан алынатын орташа өнім 50 кг-ға дейін жетеді. Ерте тікпе көшеттерін отырғызғаннан кейін 3 – 5 жылда өнім бере бастайды. Қара Алма тамыр атпа сабақтары арқылы көбейеді, сондай-ақ жас өркендері де тамырлана алады. Қара Алма Тянь-Шань, Жетісу (Жоңғар), Іле Алатауларында, 1400 – 1800, кейде 2000 м биіктікке дейін жаңғақ, үйеңкі және шетен ормандарында өседі. Әсемдік үшін саябақта, көшеге қолдан да егеді. [1]

СілтемелерӨңдеу

  1. Қазақстан Энциклопедиясы