Құмырагүл (лат. Nolina ) – қасқыржемдер тұқымдасына жататын көп жылдық өсімдіктер туысы. Отаны – Оңтүстік Америка мен Мексика аймақтары. Құмырагүлдің сыртқы пішіні құмыра тәрізді, діңінің төменгі жағы жуан болады да, биіктеген сайын жіңішкере түседі. Өсімдік діңінің дөңгеленген жартысы топырақтың сыртында, жартысы жердің астында тамырымен жалғасып өседі. Негізінен бұл өсімдік тастақ шөлдерде өсетіндіктен, бойына су жинап, сақтау үшін осылай қалыптасқан. Жапырақтары діңінің жоғарғы бөлігінде орналасқан. Жапырағы жіңішке ашық жасыл түсті, ұзындығы 2-3 метрге жетеді. Үй жағдайында ыстық пен суыққа төзімді күтімі жеңіл өсімдік болып саналады.

Құмырагүл
Nolina sp.
Nolina sp.
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Дара жарнақтылар
Сабы: Asparagales
Тұқымдасы: Asparagaceae
Кіші тұқымдасы: Nolinoideae
Тегі: Nolina
Michx.
түрлері

100 түрі белгілі

Жарығы:Өңдеу

Жарық сүйгіш. Тіке түскен күн сәулесін қажет етеді.

Жылуы:Өңдеу

Қыста 10ºС төмен түспегені абзал.

Суғарылуы:Өңдеу

Жазда топырағының беткі қабаты әбден құрғағанда барып суғарады. Қыс айларында айына бір рет, ал салқындау жерде тұрса суғармайды.

Ылғалдылығы:Өңдеу

Құрғақ ауаға төзімді. Су бүркуді қажет етпейді, дегенмен де жапырақтарын тазарту мақсатында су бүркіп, шаңын жуып тұрған абзал. Ескертетін жай, су бүркігенде діңіне су тигізбеу керек. Ол үшін қағазбен діңін орап қойған дұрыс.

Қоректендірілуі:Өңдеу

Жазда айына бір рет минералды тыңайтқышпен қоректендіріледі.

Аурулары:Өңдеу

Ауруға сирек шалдығады. Өрмекші кенесі, ақ ұнтақ құрты, щитовка зиянкестері зақым келтіруі мүмкін. Мөлшерден артық суғаруға болмайды. Өз бойында ылғалды ұстап тұру мүмкіндігі бар өсімдік болғандықтан, артық суғарғаннан діңі шіріп кетеді.

Көбейтілуі:Өңдеу

Өскіндері немесе тұқымы арқылы көбейтіледі.

СілтемелерӨңдеу

ДереккөздерӨңдеу

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727