Құрым — иленген жұмсақ тері. Құрым дайындау үшін сиырдың немесе жылқының терісін суға салып тұздап, кептіргеннен кейін 5 — 7 күн ыстайды. Теріні ыстау үшін тереңдігі 1 аршын, диаметрі 3 — 4 аршын шұңқыр қазылады. Шұңқырдың жарты аршындай жерінен көлденең таяқ қойылып, оған пішілген терілер ілінеді. Шұңқыр беті терімен жабылып, пештен құбыр арқылы 7 — 10 күн қатарынан түтін жіберіліп ыстаған соң, маймен сылап жұмсартады. Теріні бояу үшін оны тағы да суға салып жұмсартады.

Тері суда жібігеннен кейін киізбен бастырып, жайып тастайды. Кепкен соң қолмен илеп, маймен әбден сылайды. Оны ашыған айранға салып жібіткен соң бояу салынған ыдыста 3 — 4 күн ұстайды. Құрымнан торсықтың түрлерін, сәнді етіктер, мәсі, бүркіттің томағасын дайындаған.[1][2]

ДереккөздерӨңдеу

  1. Маңғыстау энциклопедиясы, Алматы, 1997;
  2. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, I том